Investis er fyrirtækjaráðgjöf sem byggir þjónustu sína á langri stjórnunarreynslu, verkfræði- og viðskiptamenntun og þekkingu ráðgjafa fyrirtækisins. Investis veitir persónulega og faglega þjónustu. Markmið okkar er að aðstoða umbjóðendur til að ná hámarks árangri í rekstri, fjármögnun, kaupum og sölu fyrirtækja.
Við veitum ráðgjöf við stefnumarkandi ákvarðanir við kaup, sölu og sameiningu á fyrirtækjum og rekstrareiningum. Sérgrein okkar er greining og verðmat fyrirtækja og gerð fjárfestakynninga auk umsjónar með sölu og kaupum fyrirtækja.
Frá árinu 2006 höfum við hjá Investis miðlað yfir 250 fyrirtækjum og rekstrareiningum. Auk þess höfum við tekið að okkur fjölda ráðgjafarverkefna sem tengjast meðal annars öflun hlutafjár, fjármögnun verkefna, gerð viðskiptaáætlana og fleira. Félagið hefur hefur einnig aðstoðað við rekstrarlega endurskipulagningu og viðsnúning í rekstri fyrirtækja.
Þjónusta Investis byggir meðal annars á öflugu tengslaneti í viðskiptalífinu. Investis er með að jafnaði 40-60 fyrirtæki í söluferli og fjölda fjárfesta sem eru að leita að fyrirtækjum til kaups.Investis er auk þess með um 700 fjárfesta á skrá sem fá reglulega upplýsingar um fjárfestingartækifæri og fyrirtæki á söluskrá okkar.
Góð reynsla og sérþekking hjá Investis.
Starfsmenn Investis hafa víðtæka reynslu af stjórnun fyrirtækja, ráðgjöf og miðlun þekkingar á sviði stjórnunar.
Haukur Þór Hauksson er annar eigandi Investis fyrirtækjaráðgjafar og stofnandi félagsins en hann er rekstrarhagfræðingur/MBA frá Háskóla Íslands. Haukur er sérfræðingur í verðmati og sölu fyrirtækja.
Haukur hefur á síðustu 20 árum stýrt samningaviðræðum um kaup og sölu á fjölda fyrirtækja og rekstrareininga.
Steinn Haukur Hauksson er annar eigandi Investis fyrirtækjaráðgjafar en hann gekk til lið við félagið árið 2020 en hann er viðskiptafræðingur að mennt frá Háskóla Íslands. Steinn er sérfræðingur í verðmati og sölu fyrirtækja.
Investis fyrirtækjaráðgjöf er staðsett að Lágmúli 5, 6 hæð.